அப்போது அவர் பேசியதாவது: பெண்களுக்கு எதிரான பாலியல் குற்றங்களை, இனியும், சமூகம் பொறுக்காது என்பதை உணர்த்த வேண்டிய நேரம் வந்து விட்டது. சட்டத்தில் உள்ள ஓட்டைகளை அடைப்பதற்காகவே, இந்த மசோதா தயாரிக்கப்பட்டுள்ளது. இவ்வாறு, சுஷில் குமார் ஷிண்டே கூறினார். உடன், இந்த மசோதா, விவாதத்துக்கு எடுத்துக் கொள்ளப்படுவதாக அறிவிக்கப்பட்டது. புதிதாக தாக்கல் செய்யப்பட்டுள்ள மசோதாவில், சம்மதத்துடன் செக்ஸ் வைத்துக் கொள்வதற்கான வயது வரம்பு உள்ளிட்ட, மேலும் சில முக்கிய அம்சங்கள் இடம் பெற்றுள்ளன. தனியாக பாலியல் பலாத்காரத்தில் ஈடுபடுவது, கும்பலாக சேர்ந்து பாலியல் பலாத்காரத்தில் ஈடுபடுவது போன்ற குற்றங்களுக்கு, குறைந்தபட்சம், 20 ஆண்டு சிறைத் தண்டனை விதிக்கப்படும். ஒரே நபர், ஒன்றுக்கும் மேற்பட்ட முறை, பாலியல் குற்றத்தில் ஈடுபட்டால், அவருக்கு தூக்கு தண்டனை விதிக்கப்படும்.
"ஆசிட்': இந்த மசோதாவில், முதல் முறையாக, ஆசிட் வீச்சு, குற்றமாக அறிவிக்கப்பட்டுள்ளது. ஆசிட் வீசுவோரை எதிர்த்து, பெண்கள் தாக்குதல் நடத்தினால், அது, தற்காப்பாக கருதப்படும். குற்றவாளிகளுக்கு, குறைந்தபட்சம், 10 ஆண்டு சிறைத் தண்டனை விதிக்கப்படும். பெண்களை பின் தொடருவது, மற்றவர்கள் உறவில் ஈடுபடும்போது, மறைந்திருந்து உற்றுப் பார்ப்பது மற்றும் பாலியல் தொல்லைகள் ஆகிய குற்றங்கள் குறித்த விளக்கமும், அதற்கான தண்டனையும், இந்த மசோதாவில் இடம் பெறும். பாலியல் பலாத்காரத்தால் பாதிக்கப்பட்ட பெண்கள், மருத்துவ மனைகளில் சேர்க்கப்பட்டால், சம்பந்தபட்ட மருத்துவமனைகள், அந்த பெண்களுக்கு, உடனடியாக, இலவசமாக, முதல் உதவி அளிக்க வேண்டும். லோக்சபாவில் நடைபெற்ற விவாதத்தை அடுத்து, நேற்று இரவு இந்த மசோதா நிறைவேறியது. dinamalar,com
கருத்துகள் இல்லை:
கருத்துரையிடுக